Terceiro obradoiro solidario cartonero. Lar de sopas (Vigo). 13 de decembro de 2025.

Celebrouse un novo encontro solidario en Vigo, no centro social Lar de sopas, no cal tivo lugar a decoración das cubertas de cartón e a encadernación cartonera do poemario Un sexto dedo en cada man, do poeta palestino Nasser Rabah, que vive nun campo de refuxiados en Gaza e ao que se doará todo o recaudado neste día.  A tradución dos seus poemas ao galego é de Emma Pedreira. Edita a agrupación Coser a ferida e Nomelibro Nilointento Cartonera. Coedita, desde o Brasil, Vento Norte Cartonero.

Nuns días, publicarase o xustificante da doazón a Nasser neste mesmo blog e no facebook e instagram de Nomelibro Nilointento. 

Graciñas a todas as persoas asistentes pola vosa contribución  á causa e por fiarvos.

                               

Obradoiro cartonero solidario con Gaza. A Coruña, 5 de decembro. Na Asociación Cultural Alexandre Bóveda.

A agrupación Coser a ferida e Nomelibro Nilointento Cartonera, organizamos de novo un obradoiro cartonero solidario, no que se pintou e encadernou o poemario do poeta palestino Nasser Rabah, Un sexto dedo en cada man, traducido o galego pola escritora Emma Pedreira. Todas as persoas asistentes puideron levar o seu libro de poemas en troques dunha dozaón de 12 euros, que será destinada íntegramente ao poeta, que actualmente vive nun campo de refuxiados en Gaza.

Graciñas por participar e pola vosa confianza.

 

Inma Doval, da agrupación Coser a ferida, 

le o poema Agora que rematou a guerra, de Nasser Rabah

namentres se celebra o obradoiro.